യുദ്ധം

ഈ മണ്ണിന്റെ ചുവപ്പില്‍ നിന്‍ ചുടുചോര

തുപ്പുന്ന മുഖമോര്‍ത്തു തേങ്ങിക്കരഞ്ഞു ഞാന്‍

എന്തായി വളരണം മകനെ 

നിനക്കെന്തായി തീരണം മകനെ

കൊഞ്ചുന്ന പ്രായതിലെന്നും ഞാന്‍

കൊഞ്ചിച്ചു ചോദിച്ച ചോദ്യം

പുഞ്ചിരിതൂകി കളിച്ചു നടന്നോരെന്‍

കുഞ്ഞിന്നെനിക്കുത്തരം തന്നു
എനിക്ക് സ്വതന്ത്രനാകണം അച്ഛാ
ഈ ഭ്രാന്തമായ ലോകത്തു നിന്നും
എന്നെന്നേക്കുമായി സ്വതന്ത്രനാകണം!

(വിജയത്തിന്‍റെ മറുപുറം തുറന്നു കാണിക്കുന്ന ഈ കവിത പാലസ്തീന്‍ യുദ്ധത്തില്‍ നിന്നും കടമെടുത്തൊരു ആശയമാണ്)