തിരച്ചില്‍

(കടപ്പാട് : ഗൂഗിള്‍)

ഞാനിന്ന്‍ ഒരു തിരച്ചിലില്‍ ആണ്

ഒരു സുദിനത്തില്‍

ഞാന്‍ ഇല്ലാതായി തീരും

എന്നാ വിശ്വാസം എനിക്കില്ല

പുറമേ നിന്ന കാണുന്ന

മരണത്തിന്‍റെ കാഴ്ചകള്‍

അകമേ നിന്ന് കണ്ടിട്ടുള്ള

ഒരു ഭാഗ്യവാനെ തിരയുകയാണ് ഞാന്‍

എന്‍റെ കണ്‍ തുളയിലൂടെ

ഒരു ജാലകത്തിലൂടെന്ന പോല്‍

പുറത്തോട്ടു നോക്കുന്ന ജീവി

എവിടെപ്പോകുന്നു എന്നാണ്

എന്‍റെ അന്വേഷണത്തിന്‍റെ പൊരുള്‍

ഒടുവില്‍ ഞാനെന്ന ഞാനോ

അവനെന്ന ഞാനോ

ശരിയായ ഞാന്‍ എന്നതാണ്

ചോദിക്കാനുള്ള ചോദ്യം

മരണത്തെ ഭയക്കാന്‍

തുടങ്ങിയിരിക്കുന്നു

എന്നതാണ് സത്യം!